Small Potato

7月4日就是考試大日子!!! 心情超級緊張，前一晚根本睡不著! 考試時間: 11:10am  路面情況: 多死車多車不是放學時間 路線:樂活道 共上了20堂(約1.5小時一堂,有時只有1小時) 花費:約13000 由於前一晚都沒冇訓好,所以頭好痛,人好呆...考試前有最後的45分鐘練習,不過越來越差. 到真正考的時候根本沒有時間深呼吸考官就上車了. 竟然!!竟然連最熟悉的泊位都可以泊闊了,好彩最後救得番所以冇事. 之後就到路試~ 一出考試路口左轉自覺比平時快左少少,心想可能轉彎位置不正確死左lu... 之後有望下考官,佢都係全程冇寫過任何野,雙手平放大腿望風景. 過程不斷有死車,要好小心慢慢過. 多謝轉去黃泥涌道的學車讓我=] 上樂活大斜路當然冇問題, 之前已經係跑馬地有練過差唔多斜的. 落斜部分有架重型死車,右邊係雙白線!!  之後冇咩特別事發生,安全回考場! 最後緊係記得停車熄匙入1波=] 師傅話如果pass, 應該3-5分鐘會有結果. 入去屋仔到等結果, 預左自己fail.... 最後竟然pass 左...!! 不過22個tick...>.< am...以前晚冇訓+ 超緊張...都唔錯呀..哈哈 曾經有朋友試過視力測試係肥左,車都唔洗揸,直接fail~ 考試前幾日有時間我去左考試路線的燈位數轉燈時間, 同睇下路面情況. 如果冇時間出去睇路線,可以上網睇片學多d, 睇多d就可以~ 最緊要係臨場應變, 比個考官覺得你有足夠安全意識就夠. 我相信你練得多操得熟就會自然做到! 淡淡定就得嫁啦!! 加油!!

當初都有掙扎到底找駕駛學院還是街車師傅，最後選擇了後者，因為我是有買車的打算，想多接觸街的真實路面情況。 個人認為街師傅是真正「學車」~ 駕駛學院 有政府認可的香港駕駛學院，有車場可以練習、有獨立訓練、有模擬駕駛、筆試天書等等......是一站式服務，但費用一般都過萬和實際可操作汽車的時間少，絕對絕對需要在考牌後補鐘!! 好處: 獨立訓練，較全面(大部份路面狀況都可練到)、安全環境下練習、有理論課、由報名到考試一條龍服務 壞處: 貴，真實路面練習少、不同師傅、不同車 如果 你有錢 ，想盡快有車牌又不想處理麻煩細節的話就選擇駕院吧，但真正學到的會少，但有機會是每次都不同師傅和車，可能會不習慣~ 如果是私人的駕駛學院其實是大同小二，都是有學車套餐，但小心有些師傅是呃鐘!! 街車師傅 當你筆試合格後就可以自行找師傅，最好是經朋友介紹的。小心呃鐘，故意要你加堂和最好是每次付款而不是一次付全費的那種!!! 我現時學車費用: $280一節/45分鐘 每堂兩節=$540 有時候會上一小時，按比例交費而租車費就$1800 其實都比其他師傅貴，但之前有在網上見到他的教學片覺得不錯所以決定找他。 如果其他師傅應該約$250-270一節。 駕院容易PASS?! 其實唔一定~路線容易唔代表容易PASS的，可能考官會更嚴謹。而我是選擇街師傅，因為會比較平，真正學到和平時會出開街到真正有牌都唔太驚~之前都有比較過學院但真的太貴和很多無謂的理論。個人覺得車是要操要練的，不是只用理論或想像可以做到，因為有很多突發的情況。 其實要看你是純粹想要車牌(重點是有錢☺)還是真正想學好一項技能~ 希望大家學車時不順利，從錯誤中學習，到考試時不重蹈覆轍，1 Take Pass👆👆 👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫 相片來源: 香港駕駛學院官方網站  https://hksm.com.hk/tc/                   教車師傅-血與淚

自動波定棍波好? 這是學車十大問題之一，究竟自動波定棍波適合自己? 有人話自動波容易很多，棍波太複雜到時考不成又要再申請學牌路票補堂又浪費幾千。又有人話考棍波VAN可以揸自動私家車，變相一個價錢兩個牌。男人一定要棍波，女人一定私家車? 其實真的要看你實際需要的~ 例如主婦想接送子女放學，買餸、考牌後都只會考慮買自動波私家車、對車沒太大興趣純粹想考車牌等等...... 我覺得自動波較適合，反正日後用車都是代步為主又沒有特別要求，無謂令自己傷荷包。 相反如果你對車很感興趣，喜歡接受挑戰、 手腳協調、經常自駕遊的歡迎學棍波=] 個人認為學私家車棍波或自動波貨VAN真的有點無謂...何必要令自己痛苦~私家車棍波比棍VAN更加難!!你可能要花更多時間和錢。 我是學棍VAN的，當初都猶豫不決。聽聞棍VAN無可能 1 Take pass，我又想盡快考牌買車。的確我是有後悔過~我朋友考自動波牌只用了1星期的時間，為什麼我要向難度挑戰，浪費更多錢和時間? 但諗深一層...自動波車越來越多，甚至貨VAN都已經是自動波的年代，棍波真的就快絕種!!我喜歡車，當然要學習手動控制一駕車你先有真正駕駛樂趣~ 最重要都是按自己考牌後的實際需要和自己對汽車的興趣，畢竟現在學車都很貴，普遍$270/45分鐘。好好想清楚~

由細到大我都十分鍾情汽車，6歲到澳門玩小型賽車，11歲在香港玩小型賽車。一直等到16歲可以再到澳門玩成人的賽道可惜又改了例要滿18歲，到18歲滿心歡喜，結果澳門賽車埸已經由政府管理，要求有有效駕駛執照......即使我坐小巴我都會留意司機的每一個動作，每次商場有車展一定飛奔過去感受一下。終於!!終於可以學車!!興奮!! 現在我還是學車階段，希望可以記錄一下人生一場特別的考試，亦希望正在學的朋友們可以順利通關，共勉之! 言歸正傳，要考車就盡快，因為輪後時間真的很久。由筆試到路試大約要8-9個月時間，大家可以到運輸署網站查看最新輪候時間(每日更新)。⇒ http://www.td.gov.hk/tc/public_services/licences_and_permits/driving_test/waiting_time_of_driving_tests/index.html 由於我是找私人師傅不經任何駕駛學院，所以報考筆試路試及學牌都是自己到運輸署辦理。 申請方法   填駕駛考試申請表(TD 82)  網上下載也可( http://www.td.gov.hk/tc/public_forms/td_forms/driving_test/index.html ) 帶同最近三個月內發出的地址證明文件正本或副本 $510申請費  如果是第一次申請就一定要親身辦理。 不用急着要申請學牌，因為學牌有效期為一年。可以差不多學車時甚至學車當天早上辦理都沒問題，因為會即時出證的(用EPS會更快，現金要再在另一窗口等付錢)。 申請後會有筆試期約申請當日的一個月後，同時會派發一本道路使用者守則(黃色書仔) 就用一個月時間好好看熟這本書，有時可以上網看一下有關罰款扣分的資料及不斷做手機APPS 的題目。 筆試練習 雖然駕駛學院會有筆試秘笈，但其實只要不斷做網上或APPS的題目一樣會順便PASS! 基本上我所有免費的筆試題目APPS都做過了，網上幾百條的都全部做完。以下有幾個都很推介大家的~ 1.學車王  介面簡潔，題目較新及難度會較深入。後期我主要是用這APPS 2.筆試無難度  介面簡潔，題目較直接容易，較多廣告 ...